İngiltərədə hakim Mühafizəkarlar Partiyası ötən gün parlamentdəki üstünlüyü itirib.
Qaynarinfo xəbər verir ki, parlament üzvü Filip Ceyms Liinin Mühafizəkarları tərk edərək Liberal Demokrat Partiyasına keçməsi ilə növbəti hökumət böhranı yaranıb.
Müxalifət partiyaları bu gün Baş nazir Boris Consona qarşı hərəkətə keçəcək. Belə ki, parlament üzvləri "Sərt Brexit"in baş verməməsi, yəni Böyük Britaniyanın Avropa Birliyini müqaviləsiz tərk etməməsi üçün qanun layihəsinin qəbuluna cəhd edəcəklər.
Boris Conson səsvermədə məğlub olsa, növbədənkənar parlament seçkiləri elan ediləcək.
Gülşən
