Bu ilin birinci rübündə ən çox Rusiya vətəndaşlığı alanların ukraynalılar və tacikistanlılar olduğu açıqlanıb.
Qaynarinfo xəbər verir ki, bu barədə Rusiya Daxili İşlər Nazirliyinin mətbuat mərkəzindən bildirlib.
Məlumatda qeyd olunub ki, . 2022-ci ilin birinci rübündə Rusiya Federasiyasının vətəndaşlığını qəbul edənlərin ümumi sayında 39,6 % Ukraynadan olanlar, 23,9%-i Tacikistandan gələnlər təşkil edib. Bu da Rusiya vətəndaşlığının keçmiş sovet respublikalarından olan insanlar üçün cəlbedici olaraq qaldığını göstərir.
Statistik göstəricilər görə, ilin birinci rübündə Rusiya vətəndaşlığı alanların 8%-ni Qazaxıstan, 7,9%-ni Ermənistan, 4,7%-ni Özbəkistan, 3,6%-ni Qırğızıstan, 3,1%-ni Belarus, 3%-ni Moldovadan gələnlər təşkil edib.
Azərbaycan Respublikasından olanlar isə bu siyahıda 4,5% təşkil edir.
Ümumilikdə, 2022-ci ilin birinci rübündə 141,5 minə yaxın xarici vətəndaş Rusiya vətəndaşlığına qəbul edilib ki, bu da ötən illə müqayisədə 12% azdır.
