Filippin Silahlı Qüvvələrinin Baş Qərargah rəisi general Felimon Santos koronavirusa yoluxub.
Qaynarinfo xəbər verir ki, bu barədə CNN Philippines ölkənin silahlı qüvvələrinə istinadən məlumat yayıb.
Qeyd olunur ki, martın 27-də Santosda koronavirus testinin müsbət nəticəsi aşkar edilib. O, özünü yaxşı hiss edir və vəzifəsinin başındadır. Baş verənlər fonunda, ölkənin müdafiə nazirliyinin rəhbəri Dolfin Lorenzana və Turizm naziri Bernadette Romulo-Puyat isə özlərini təcrid etməklə bağlı qərar verdiklərini elan ediblər.
Qeyd edək ki, Filippində 707 nəfər koronavirusa yoluxub, 48 xəstə vəfat edib.
