Dünya 20:43 14.07.2023

Bu ölkədə qida böhranına görə fövqəladə vəziyyət elan edildi

Nigeriya prezidentinin xüsusi müşaviri Bola Tinubu Dele Alake bildirib ki, dövlət başçısı ərzaq təhlükəsizliyi böhranı ilə əlaqədar ölkədə fövqəladə vəziyyət elan edib. 

Qaynarinfo bu barədə "Vanguard” qəzetinə istinadən xəbər verir.

"Ən həssas təbəqəyə dəstək verilməsi ilə bağlı Administrasiyanın mövqeyinə uyğun olaraq, Prezident aşağıdakı müddəanın dərhal qüvvəyə minməsini bəyan etdi: Qida təhlükəsizliyi ilə bağlı təcili vəziyyət elan edilməlidir", deyə müşavir bildirib.

Tinubu həmçinin qida və suyun mövcudluğu və əlçatanlığı ilə bağlı bütün məsələlərin əsas dolanışıq maddələri kimi Milli Təhlükəsizlik Şurasının səlahiyyətlərinə daxil edilməsini təsdiqləyib.⁣

O bildirib ki, prezident subsidiyaların ləğvinin nəticələrini yumşaltmaq üçün fermerlərə və ev təsərrüfatlarına dərhal gübrələrin və taxılların buraxılmasını tapşırıb.⁣

İyunun 20-də Nigeriya prezidenti Bola Əhməd Tinubu ölkənin təhlükəsizlik aparatındakı məmurları tutduqları vəzifələrdən uzaqlaşdırıb. Tinubu bütün rəhbərləri və məsləhətçiləri, ordunun qərargah rəisini, eləcə də milli polis və gömrük rəislərini işdən çıxarıb. Bundan başqa, o, Mərkəzi Bankın rəhbərini vəzifəsindən uzaqlaşdırıb. 

İnauqurasiya günü yeni seçilmiş lider əhalinin terror təhlükəsindən qorunması məsələsinin prioritet məsələyə çevriləcəyinə söz verib.

Aydın