"Tələblərimiz yerinə yetirilməyincə aksiya davam edəcək!", "Bu, sizin qorxulu yuxunuzdur!"
Livanın paytaxtı Beyrutda mərkəzi küçələrin divarlarında belə qraffitilər peyda olub.
Milli.Az CNN-ə istinadən bildirir ki, ölkənin Nazirlər Kabineti paytaxtda yığılıb qalmış 5 milyon ton zibilin Rusiya Federasiyasına daşınmasına 50 milyon dollar ayırmışdı. Bu zibil artıq 6 aydır ki, Beyrutdadır və həcmi sürətlə artır.
50 milyon dollar ilk tranşdır. Ümumiyyətlə isə, Livan hökuməti zibilin Rusiyaya daşınmasına 1 milyard ödəmək niyyətində idi. Zibil Rusiyanın Krasnodar diyarında utilləşdirilməli idi. Fəqət, anlaşma hələ də yerinə yetirilmir.
Bu səbəbdən də Livan paytaxtının mərkəzi küçələrindən, sanki, "zibil çayı" axır.
Şəhərin şimal-şərqindəki Əl Cüdeydə səmtində və şərqdəki Bəabada zibil xüsusilə çoxdur.
Beyrutdan şimal-şərqdəki Monte-Verdedə isə ötən ilin avqustun 24-dən bəri zibil yığılıb qalıb.
Zibilin yığılıb qalmasının səbəbi isə Beyrutun kommunal xidmətinin əməkdaşlarının aylardan bəri davam edən etiraz tətilidir. Onlar maaşlarının artırılmasını tələb edirlər.
Qaynar.info
