Uelsin Kardif şəhərində yaşayan 27 yaşlı qadın öz sevgilisinə qeyri-adi toy hədiyyəsi edib.
Qaynar.info baku.ws-ə istinadən xəbər verir ki, Liza adlı qadın sevgilisini ölümcül xəstəlikdən xilas etmək üçün böyrəyini ona verməyə razı olub.
Qadının sözlərinə görə, hələ iki il əvvəl onun sevgiisinə 5-ci dərəcəli böyrək çatışmazlığı diaqnozu qoyulmuşdu. Həkimlər bildiriblər ki, onun böyrəklərinin cəmi 5 faizi fəaliyyət göstərir və bu da onun həyatı üçün ciddi təhlükə yaradır: "Bu an mənə elə gəldi ki, vəziyyət qaçılmazdır. Xəstəlik sürətlənirdi. 2012-ci ilin fevralında o insult keçirdi".
Qadın etiraf edib ki, bu müddət ərzində o öz sevgilisinin yanından bir addım da olsun ayrılmayıb və tezliklə ona ərə getməyi arzulayıb.
Həkimlər qadına bildiriblər ki, təcili böyrək köçürülməsi lazımdır: "Məni yoxlayandan sonra həkimlər mənim böyrəyimin transplantasiya oluna biləcəyini söylədilər. Mən bir saniyə də olsun tərəddüd etmədim".
Xoşbəxt cütlük 2013-cü ilin iyununda evləniblər və onlar böyrəklərin transplantasiyasını gözləyirlər.
Qaynar.info
