Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Cəmi 38 fərd qalıb: Planetin ən nadir balığı hansıdır?
"Şeytan dəliyi" mağarasında yaşayan "şeytan karpozubiyi" adlı balıq növünün bütün populyasiyası ABŞ-ın Nevada ştatında yerləşən Ölüm Vadisindəki cəmi bir mağarada məskunlaşıb.
Qaynarinfo "Discover Wild Life" portalına istinadən xəbər verir ki, mağaranın uzunluğu təxminən 22 metr, eni isə 3,5 metrdir. Dərinliyi demək olar ki, 150 metr olsa da, balıqlar adətən səthdən 15 metrədək olan zonada yaşayırlar.
Bu fakt "Şeytan dəliyi” karpozubiyinin bütün onurğalılar arasında ən kiçik yaşayış arealına malik olduğunu və eyni zamanda planetin ən nadir balığı sayıldığını göstərir. Əgər 2024-cü ildə 191 fərd qeydə alınmışdısa, 2025-ci ildə onların sayı cəmi 38 olub. Populyasiyanın qəfil azalmasının səbəbi kimi iki zəlzələnin yosunları (balıqların əsas qidasını) və onların kürüsünü zədələməsi göstərilir.
Vacib məqam ondan ibarətdir ki, bioloqlar belə hallar üçün əvvəlcədən fəaliyyət planı hazırlamışdılar. Onlar vəhşi populyasiyanı əsirlikdə yetişdirilmiş fərdlərlə dəstəkləyiblər və yosunlar bərpa olunana qədər balıqları qida ilə təmin edəcəklər.
Bəzi tədqiqatlar bu balıq növünün mağaranın təxminən 60 000 il əvvəl yaranmasından bəri təcrid vəziyyətində olduğunu irəli sürür, digərləri isə onun yalnız bir neçə min ildir təcrid olunduğunu bildirir.
Məqalədə deyilir ki, heç kim bu balığın ora necə düşdüyünü dəqiq bilmir. Nəzəriyyələr balıqların yeraltı su sistemləri vasitəsilə mağaraya keçməsindən tutmuş, quşlar tərəfindən təsadüfən daşınmasına qədər dəyişir. Ancaq bir şey dəqiqdir: bu sirli növ haqqında hələ də çox az şey bilirik.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər