Çin hökuməti aşağı Yer orbitində bütün planeti əhatə edən 26 min peykdən ibarət şəbəkə yaratmağı qarşısına məqsəd qoyub.
Bu barədə Qaynarinfo "Nikkei”yə
istinadən xəbər verir.
Hələ 2021-ci ildə 13 min peyk şəbəkəsinin yaradılmasına cavabdeh olan "Guowang” (Çin peyk şəbəkəsi qrupu) dövlət müəssisəsi yaradılıb. Şirkət onların təxminən 10%-ni yaxın beş ildə istifadəyə verməyi planlaşdırır. Onlar həmçinin səlahiyyətlilərə 2034-cü ilə qədər 6G mobil şəbəkələrini yerləşdirməyə kömək etməlidirlər. Bu tapşırığı yerinə yetirmək üçün ölkənin cənubundakı Haynan əyalətində ölkənin iri kosmodromlarından biri olan Vençan kosmodromu yaxınlığında kommersiya peykinin buraxılması üçün sahənin tikintisinə başlanılıb. "Guowang” peyklərinin də buradan orbitə çıxarılması planlaşdırılır.
Bundan əlavə, 2023-cü ilin iyulunda Şanxay hökuməti özünün G60 Starlink peyk internet layihəsinin yaradılmasını elan edib. Şanxay hakimiyyət orqanları "Shanghai Spacecom Satellite Technology” şirkəti vasitəsilə orbitə 12 mindən çox peyk çıxarmaq niyyətindədir, onlardan 600-ü 2025-ci ilə qədər olmalıdır. Bu peykləri istehsal edən zavod artıq işə başlayıb. Onun gücü ildə 300 cihaza qədərdir.
"GalaxySpace Technology” özəl şirkəti Yerin aşağı orbitinə daha 1 minə yaxın peyk çıxarmaq niyyətindədir. Nəhayət, hərbi-sənaye kompleksi müəssisələri CASC və "China Aerospace Science and Industry Corp” müvafiq olaraq 300 və 200-dən çox aşağı orbitli peyk buraxmağı planlaşdırırlar. Xüsusilə Jilin əyalətinin hökuməti tərəfindən dəstəklənən "Chang Guang Satellite Technology” şirkəti 2015-ci ildə öz peyklərini aşağı orbitə çıxarmağa başlayıb. Onların sayı 2025-ci ilə qədər 138-ə çatmalıdır.
Nizami Bağırov
