2013-cü ildə müdafiə naziri Əbdülfəttah əl-Sisinin rəhbərliyi altında gerçəkləşdirilən çevrilişlə hakimiyyətdən salınan Misir prezidenti Məhəmməd Mursi həbsxanada keçirdiyi pis həyat şəraiti ilə əlaqədar erkən ölüm riski ilə qarşı qarşıyadır.
Qaynarinfo xarici KİV-ə istinadən xəbər verir ki, 3 ingilis millət vəkilinin ifadəsinə və QHT məlumatlarına əsaslanaraq hazırlanan hesabata görə, şəkərli-diabet, böyrək və qaraciyər xəstəliklərindən əziyyət çəkən Mursiyə günün 23 saatı təcrid tətbiq olunur və o, sutka ərzində sadəcə 1 saat istirahət edə bilir.
Məlumatda həmçinin qeyd olunur ki, Mürsi erkən öləcəyi təqdirdə, buna görə hazırkı prezident Əbdülfəttah əl-Sisi və rejimi məsuliyyət daşımalı olacaq.
