İspaniyanın futzal millisinin sabiq müdafiəçisi Kike dünya çempionatındakı qrupları dəyərləndirib.
Qaynarinfo.az xəbər verir ki, İspaniya futzal çempionatının fəxri səfiri olan 38 yaşlı Kike Azərbaycanın yer aldığı F qrupu haqda bunları deyib:
"İspaniyanın qrupu asan deyil. Çünki biz bir daha İranla üz-üzə gələcəyik. İndi bizim qrupda Afrika çempionları (Mərakeşi nəzərdə tutur - red.) da var. Görək, ilk matçlar bizim üçün nə ilə nəticələnəcək... Rusiya, Kolumbiya, Portuqaliya, İtaliya və İspaniya həmişə yaxşı vəziyyətdə olan komandalardır".
Qeyd edək ki, tam adı Enrike Boned Jilyo olan Kike 2009-cu ildə futzal üzrə ilin oyunçusu seçilib. O, İspaniya millisi ilə 2 dəfə dünya, 5 dəfə Avropa və 4 dəfə İspaniya çempionu olub.
Qaynarinfo.az
