"Forbes" jurnalı "Microsoft" şirkətinin qurucusu Bill Qeytsi 72 milyard dollarla dünyanın ən varlı adamı kimi təqdim edib. Qaynar.info-nun məlumatına görə, Qeyts bununla uzun müddətdir dünyanın ən varlı adamı ünvanını meksikalı milyarder Karlos Slimin əlindən alıb.
Siyahıda ikinci yerdə bu il 12.5 milyard dollar qazanan Uorren Baffet dayanır. Baffetin ümumi sərvəti 58.5 milyard dollar təşkil edir.
ABŞ-ın ən varlı qadını isə 34.5 milyard dollarla Kristi Uolton olub. "Wal-Mart" mağazalar şəbəkəsinin səhmdarlarından olan Uolton dünyanın ən varlı 6-cı qadını olub.
Qaynar.info
