Şimali Koreya lideri Kim Çen In ABŞ prezidenti Donald Trampla 27-28 fevralda keçiriləcək zirvə görüşü üçün Vyetnama gəlib.
Qaynarinfo xəbər verir ki, zirehli qatarla Vyetnam-Çin sərhədində yerləşən qatar stansiyasına gələn Kimin səfəri 60 saat davam edib. Stansiyada Şimali Koreya liderini çox sayda insan coşğu ilə qarşılayıb. Kim Çen Inın mühafizəsi cangüdənləri və Vyetnam polisi tərəfindən təşkil edilib və o, paytaxt Hanoya doğru yola düşüb.
Qeyd edək ki, sammitdə Tramp və Kimin Koreya müharibəsinin yekunlaşmasını elan etmələri gözlənilir. İki ölkə başçısı daha əvvəl 12 iyun 2018-ci ildə Sinqapurda görüşmüşdü.
