Ebola təhlükəsi geri qayıtdı: çox sayda ölən var

Demokratik Konqo Respublikasının Şimali Kivu əyalətində ebola epidemiyası səbəbilə ölənlərin sayı 39 nəfərə çatıb.

Qaynarinfo xarici KİV-ə istinadən xəbər verir ki, əvvəlki epidemiya Ekvator əyalətində müşahidə edilmişdi. İyul ayında ölkədə yenidən aşkarlanan virusa ümumilikdə 77 nəfər yoluxub, onlardan 39-u ölüb. Səbəbi qeyri-müəyyən qalan 28 ölümün də ebola virusuna görə baş verdiyi ehtimal edilir.

Qeyd edək ki, ebola ilk dəfə 1976-cı ildə Konqoda müşahidə edilib və son illərdə Afrikada on minlərlə insanın həyatına son qoyub.