Bir qədər əvvəl özünü respublikanın yeni prezidenti elan edən Əfqanıstanın vitse-prezidenti Əmrulla Saleh Tacikistana qaçıb. Bundan əvvəl o, "Taliban” rejiminə qarşı müqavimətin son qalası olan Pəncşir əyalətində idi.
Qaynarinfo xəbər verir ki, Salehin qaçması barədə Əfqanıstan Prezidentinin əvvəlki administrasiyasındakı mənbəyə istinadən Əl-Cəzirə telekanalı məlumat yayıb.
Xatırladaq ki, Əfqanıstan hökuməti avqustun 15-də terrorçuların hücumlarına məruz qalıb. Bundan sonra yalnız Pəncşir əyaləti "Taliban”a qarşı dirənib. Bir gün əvvəl məlum olub ki, "Taliban” bu bölgəni də ələ keçirib. Ancaq müqavimət döyüşçüləri hələ də azad və ədalətli Əfqanıstan uğrunda mübarizə apardıqlarını iddia edirlər.
Alpər
