Səudiyyə Ərəbistanı karbohidrogen qiymətlərinin yüksək qalacağı təqdirdə neft hasilatını artırmağa başlaya bilər. Krallıq bu barədə ABŞ-ı xəbərdar edib.
Qaynarinfo xəbər verir ki, bu barədə "The Wall Street Journal" məlumat yayıb.
Məlumata görə, Ər-Riyadın bu addımı Konqresdən sazişə dəstək almaq məqsədi daşıyır. Müqaviləyə əsasən, Səudiyyə Ərəbistanının İsraili tanıması və ABŞ ilə müdafiə sazişini bərpa etməsi gözlənilir.
Amerika hakimiyyətinin nümayəndələri, o cümlədən Dövlət Departamentinin qlobal enerji təhlükəsizliyi üzrə baş müşaviri Amos Hokstin artıq Səudiyyə Ərəbistanına səfər edib. Amerika tərəfi kral hakimiyyətinə yanacağın bahalaşması ilə bağlı vəziyyətin Vaşinqtonun Ər-Riyada dəstəyinə mənfi təsir edəcəyini göstərib.
Səudiyyə rəsmiləri izah ediblər ki, onlar neft hasilatının həcmi məsələsini bazarın hazırkı vəziyyəti ilə əsaslandırmaq niyyətindədirlər.
Aydın
Şərhlər