Türkiyə prezidenti Rəcəb Tayyib Ərdoğan ukraynalı həmkarı Vladimir Zelenski ilə İstanbulda apardığı danışıqlardan sonra bildirib ki, Ukrayna NATO üzvlüyünə layiqdir .
Qaynarinfo bu barədə "AHaber"ə istinadla xəbər
verir.
"Biz faktiki olaraq Ukrayna ilə həmrəyliyimizi göstərdiyimiz konkret yardımla nümayiş etdirmişik. Danışıqlar yolu ilə düşmənçiliklərə son qoymaq üçün ən çox səy göstərən ölkə biz olduq”, - deyən Ərdoğan, sonuncu dəfə Rusiya və Ukraynanın dinc dialoq çərçivəsində görüşünün İstanbulda keçirildiyini xatırladıb.
Bundan əlavə, Türkiyə lideri bir il əvvəl Ankaranın taxıl sazişində iştirakını xatırladıb və "ən azı üç aydan bir, ən yaxşı halda isə iki ildən bir” müqaviləni uzatmağa ümid etdiyini vurğulayıb.
Türkiyə lideri həmçinin bildirib ki, Ankara avqustda Rusiya prezidenti Vladimir Putinin taxıl müqaviləsinin uzadılması, eləcə də Kiyev və Moskva arasında əsir mübadiləsi məsələsinin müzakirəsi üçün səfərini gözləyir. Ərdoğanın sözlərinə görə, o vaxta qədər məsələlərin müzakirəsi telefonla davam edəcək.
Zelenski öz "Telegram" kanalında türk həmkarı ilə hərbi sənaye kompleksində, o cümlədən pilotsuz təyyarələrin istehsalı sahəsində "Ukrayna və Türkiyənin birgə layihələrini, eləcə də texnologiyanın inkişafı sahəsində əməkdaşlığı müzakirə etdiyini bildirib. Bundan əlavə, Zelenskinin sözlərinə görə, o, Ankaranı Ukraynanın bərpasında iştirak etməyə dəvət edib. Ukrayna lideri Türkiyəyə təşəkkür edib! Ukraynanın ərazi bütövlüyü və suverenliyinə sarsılmaz dəstəyə görə.
"AHaber"in məlumatına görə, Zelenskinin Türkiyəyə bu səfəri Rusiya xüsusi əməliyyatı başlayandan bəri ilk səfərdir.
Alpər
