Erməni hərbçilər arasında insident baş verib.
Azvision.az erməni mətbuatına istinadən xəbər verir ki, hərbi polis zabiti ilə qondarma “DQR” ordusunun 4 zabiti arasında əlbəyaxa dava olub.
Hərbi polis əməkdaşı “DQR” zabitlərinin olduğu avtomobili yüksək sürətlə hərəkət etdiyi üçün saxlayıb.
Avtomobili saxlayan hərbi polis onları yanına çağırıb. Bundan əsəbiləşən 4 zabit- mayor Ara Zaxaryan, leytenant L.Sahakyan, baş-leytenant K.Martirosyan və leytenant D.Anaxasyan hərbi polis zabiti A. Matevosyan ilə mübahisə edib. Sonra onlar arasında dava olub.
Faktı Ermənistanın Müdafiə Nazirliyi təsdiqləyib. Bildirilib ki, 4 zabit birləşərək hərbi polis zabitini döyüb.
Hazırda hərbi polis zabiti hospitala yerləşdirilib. Onun müxtəlif dərəcəli bədən xəsarəti aldığı bildirilib.
Qaynarinfo.az
