Ermənistan Müdafiə Nazirliyi bu il sentyabrın 15-dən dekabrın 15-dək ehtiyatda olan hərbçilər üçün təlimlər keçirməyi planlaşdırır.
Qaynarinfo xəbər verir ki, təlimlərdə 318 ehtiyatda olan hərbçi iştirak edəcək. Onlardan 210-u kiçik çavuş və sıravi, 10-u baş çavuş, 98-i isə zabitdir.
Təlimlərə 16-ya qədər zenit raket və havadan müdfiə ixtisası üzrə ehtiyatda olan əsgər və zabitlər, həmçinin 26-dək kəşfiyyatçı, 71-ə qədər rabitə ixtisası üzrə və s. mütəxəssilər cəlb oluacaq.
Yeri gəlmişkən, elan edilmiş təlimlərin xərcləri dövlət büdcəsindən Müdafiə Nazirliyinə ayrılmış vəsait hesabına həyata keçiriləcək.
