"Mnatsakanyan
parlamentə vəd verir ki, ermənilərsiz Qarabağ olmayacaq”.
Bunu Qaynarinfo-ya açıqlamasında analitik İlkin Həsənli Ermənistanın Xarici İşlər naziri Zöhrab Mnatsakanyanın Qarabağın
Azərbaycan daxilində gələcəyinin olmaması ilə bağlı bəyanatının arxasında
dayanan məkrli planlarından danışarkən deyib. İlkin Həsənli qeyd edib ki, əslində
Mnatsakanyanın bu açıqlamasında qəribə görünən heç nə yoxdur:
"Mnatsakanyan hazırkı dövrdə başqa heç nə deyə bilməzdi. Ona
görə ki, Ermənistanda hazırda bütün qüvvələr gözləyir ki, kimsə "Azərbaycanla
müharibəni bitirək” cümləsini işlətsin və onu günah keçisi çıxartsınlar, daha
sonra isə diskussiyalara başlasınlar. Heç kim bunu birinci etməyə cəsarət
etmir. Heç kim dedikdə buraya həm hökuməti, həm parlamentdəki müxalifəti, həm
də keçmiş hakimiyyətin nümayəndələrini daxil etmək lazımdır. Mnatsakanyanın
açıqlaması göstərir ki, bu addımı hökumət birinci atmayacaq. Çünki hökumət
Paşinyanın simasında bir dəfə buna cəhd edib və ağır cavab alıb. Ona görə də
ikinci dəfə belə cəhd etmək fikrində deyil”.
Politoloqun fikrincə, Ermənistan cəmiyyətinin
indiyə qədər yetişdirilməsinə və cəmiyyətdə hakim olan ideologiyaya nəzər
salmaq lazımdır:
"Məhz bu ideologiya İrəvanda heç kimi güzəştə
getməyə qoymur. Çünki güzəşt ideologiyanın da zədələnməsi və məhvə doğru
sürüklənməsi deməkdir. İndiki dönəmdə Ermənistan hökuməti və ya müxalifəti bunu
istəyirmi? Məncə yox. Ən azından bunu Mnatsakanyanın çıxışı göstərir. Sadə
insanlara gəlincə onlar da məhz bu ideologiyanın əsiridirlər. Əgər insanlar
savaşın bitməsini istəsələr, bu ideologiyanı və onu müdafiə edən gücləri
silkələcəyəcək. Ermənistan cəmiyyətinin mühafizəkar və dindar olduğunu nəzərə
alsaq, indiki dönəmdə onların buna gedəcəyini demək çətindir. Əgər getsələr, bu
o deməkdir ki, Ermənistanda çox böyük proseslərə start veriləcək. Bunun üçün
isə müharibənin bitməsi və ya heç olmasa müharibənin sonlarının çatması
lazımdır”.
İlkin Həsənli bildirib ki, Mnatsakanyanın
çıxışını bir tərəfdən Putinin son çıxışıyla uzlaşdırmaq lazımdır:
"Mnatsakanyan parlamentə vəd verir ki,
ermənilərsiz Qarabağ olmayacaq, amma digər tərəfdən Putin artıq üçüncü dəfədir
deyir ki, konfliktin həlli bütün tərəfləri qane etməlidir. Bütün tərəflər təkcə
Ermənistan və Azərbaycan deyil, söhbət həm də Rusiyadan gedir. Putinin 24 saat
ərzində İlham Əliyevə iki dəfə zəngi göstərir ki, Azərbaycan Qarabağda böyük
üstünlüyə sahibdir və müharibənin taleyini həll edir, bu isə Putini tam narahat
edir. Ona görə də Putin maksimum şəkildə Əliyevdən nəsə əldə etmək istəyir və
ya nəyəsə məcbur edib dayandırmağa, eləcə də yeni nəsə təklif etməyə çalışır.
Mnatsakanyanın ermənisiz Qarabağ ifadəsi məhz bunun məhsuludur. Aydın görünən
odur ki, İrəvana hələ də dəstək var və Ermənistan hansısa bir mərhələdə həm də
Azərbaycanın dayanacağına ümid edir. Digər tərəfdən isə bir başqa məqam odur
ki, İrəvan hətta Qarabağı əldən tam verəcəyi təqdirdə belə Azərbaycanla
danışıqlara başlayıb, onu uzatmaq və ümumiyyətlə, yekun razılaşmaya imza
atmamaq niyyətindədir. Burada isə Ermənistan istədiyini alana qədər Rusiya
tərəfindən açıq dəstəklənəcəyini və müdafiə olunacağını bilir. Ona görə də
hələlik iddialı çıxışlar edərək, həm hökuməti ölkə daxilində hücumlardan
qorumağa çalışır, həm də Azərbaycanın bunları bildiyini təxmin edərək, ona bir
növ mesaj verir ki, danışıqlar masasında bizim də istəklərimizi nəzərə alın,
yoxsa bu, heç vaxt bitməyəcək”.
Bahar
Rüstəmli
