Qaynarinfo xəbər verir ki, əsas ərzaq məhsullarının - çörək, makaron və unun qiyməti bahalaşıb. Ermənistanın Statistika Komitəsinin məlumatına görə, bir il ərzində çörəyin qiyməti 20%, bu ilin iyun ayında isə may ayı ilə müqayisədə 5,2% artıb.
Makaron məmulatlarının qiyməti 29,9%, unun qiyməti isə 2,6% bahalaşıb və bu ilin iyun ayında may ayı ilə müqayisədə bazarda 1,6% inflyasiya qeydə alınıb.
Ölkədə ət bazarında da qiymət artımı qeydə alınıb. Məsələn, quzu, donuz və mal ətinin qiymətləri bahalaşıb. May ayı ilə müqayisədə iyunda quzu ətinin qiyməti 2% donuz ətinin qiyməti 3,5%, mal ətinin qiyməti 5,6% artıb. Mal əti bir il ərzində 17,8% bahalaşıb.
Pendir də bahalaşan ərzaq məhsulları arasındadır. Statistika Komitəsindən veriləm məlumatas görə, pendirin qiyməti bu ilin iyun ayında keçən ilin eyni dövrü ilə müqayisədə 25,4%, may ayı ilə müqayisədə isə 1,6% artıb.
Əvəzində ölkədə yumurtanın qiyməti 2%, şəkərin qiyməti isə 2,6% ucuzlaşıb.
Bir il ərzində kərə yağının qiymətidə 4,8%, iyun ayında may ayı ilə müqayisədə 0,4% deflyasiya qeydə alınıb.
Statistika Komitəsinin məlumatına görə, neftin qiyməti isə 0,8% ucuzlaşıb.
