Boliviyada etirazçılar dövlət televiziyası "Bolivia TV" və radiosu "Patria Nueva"nı ələ keçirib.
Qaynarinfo xəbər verir ki, bu barədə radiostansiyanın direktoru İvan Maldonado məlumat verib. Jurnalistlər 2 saat ərzində əsir saxlanılıb və iş prosesini dayandırmaq tələb edilib.
Qeyd edək ki, Boliviyada 19 gündür etiraz aksiyaları davam edir. Nümayişçilər Evo Moralesin növbəti dəfə prezident seçilməyinə qarşı çıxırlar. Bu günə qədər aksiyalarda yüzlərlə insan xəsarət alıb.
