Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Evinin zirzəmisini təmir edən fransız orta əsrlərə aid skeletlər və sarkofaqlar tapdı
Zirzəmisini təmir edən fransız onlarla orta əsr skeleti və 10 sarkofaqi (qədim xalqlarda daş tabut) aşkar edib.
Qaynarinfo-nun "The Independent"ə istinadən məlumatına görə, arxeoloqlar bildirirlər ki, Parisin cənub ətraflarında aşkar edilən qalıqlar bölgədə erkən orta əsrlərdə və ondan əvvəl antik dövrdə yaşamış əhalinin daha yaxşı öyrənilməsinə kömək edə bilər.
Bu ərazidə erkən orta əsr qəbiristanlığının olması artıq məlum idi və ilkin qazıntılar nəticəsində sonrakı orta əsrlər dövrlərinə xas olan bir neçə gips sarkofaqi aşkar edilib.
Arxeoloqlar kişinin zirzəmisinə enərək 52 kvadratmetr sahədə qazıntı aparıblar. Onlar qeyd edib ki, cəsədlər paralel cərgələrdə düzülüb, bu təcrübə qəbiristanlığın 7 əsr ərzində (III-X əsrlər) istifadə olunduğunu göstərir.
Son qazıntılar göstərib ki, qəbiristanlıq əvvəllər düşünüldüyündən daha qədimdir, ilk dəfnlər 1500 ildən çox əvvəl Son Antik dövrə aiddir.
Dəfn mərasimi praktikası orta əsrlərin əvvəlindən eramızın 500-cü illərində, cəsədlərin gips sarkofaqlarında basdırıldığı zaman inkişaf edib. Bu təcrübə xüsusilə qəbirlərin xarici divarlarının bəzən bəzədildiyi İle-de-Fransda geniş yayılmışdı.
Regional Arxeoloji Xidmətə yardım edən Arxeodunum arxeoloji tədqiqat mərkəzinin alimləri deyirlər ki, zirzəmidə sarkofaqların heç biri bəzədilməyib.
Qəbirlərin üzərində xüsusi işarələr yoxdur, lakin biri kəsilmiş və oyma yumşaq daş bloku ilə taclanıb. Arxeoloqlar blokun orijinal formasından əmin olmadıqlarını bildiriblər.
"Rozetin bir hissəsini ayırd edə bilərik, əks tərəf isə Latın xaçı və bir dairədə yazılmış xaçdır. Bu motivlər mütəmadi olaraq gips sarkofaqlarında olur və dəfn sferası, eləcə də xristian dini binalarının fasadlarında görünə bilən ornamentlərlə əlaqə yaradır", deyə arxeoloqlar bildirir.
Arxeoloqlar mərhumun cinsini, ölüm yaşını və həyat şəraitini müəyyən etmək üçün skeletləri laboratoriyada təhlil etməyə ümid etdiklərini bildiriblər.
Alimlər qeyd edib ki, gələcək tədqiqatlar burada antik dövrdə və orta əsrlərdə yaşamış əhalini daha yaxşı başa düşməyə, həmçinin bu dövrlərdə dəfn ənənələrinin təkamülünü başa düşməyə kömək edə bilər.
Aydın
Oxşar xəbərlər
Sentyabrın son gününün hava proqnozu
Ölkə
29.09.2024
Gələn il ABŞ-da işsizliyin kəskin artacaq
Dünya
28.09.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər