AVRO-2020-nin 1/8 final mərhələsində Niderlandla üz-üzə gələcək Çexiya millisinin başına qəribə hadisə gəlib.
Fanat.Az xəbər verir ki, sabah Bakı vaxtıyla 20:00-da Budapeştdə "narıncılar"la qarşılaşmalı olan çexləri Macarıstana aparacaq təyyarə maraqlı səbəbdən havaya qalxa bilməyib.
Çexiya millisinin üzvü Aleks Kral təyyarədə yaranan problemin fotosunu "Twitter" hesabında paylaşıb və yazıb:
"Reyslərin gecikməsi ilə əvvəllər də rastlaşmışam. Hətta təxirəsalmalar da olub. Amma rezin trapın təsadüfən şişməsi üzündən havaya qalxa bilməmək bir ilkdir".
