Fransada "Goodyear" şirkətinin şin istehsalı zavodunun işçiləri bir sutkadır müəssisənin direktor və köməkçisini girov götürüblər.
Trend-in İTAR-TASS-a istinadən verdiyi məlumata görə, işçilər kütləvi işdən qovulma təhlükəsinin olmasından narazılıq edirlər.
Zavod işçilərinin sözlərinə görə, işdən azadetmə ilə bağlı plana yenidən baxılmayanadək rəhbərlik bağlı şəraitdə saxlanılacaq. Söhbət təqribən 1200 iş yerindən gedir.
Şirkətin baş ofisindən bildiriblər ki, rəhbərlik saxlanılanadək işçilərlə heç bir danışıq aparılmayacaq.
Qaynar.info
