Fələstinin Vyanadakı səfiri Salah Abdel Şafi bildirib ki, HƏMAS-ın İsraili dövlət kimi tanımağa hazır olduğunu göstərən siqnallar ortaya çıxıb.
Qaynarinfo xəbər verir ki, səfir bu barədə "RİA Novosti"yə
bildirib.
"HƏMAS İsraili dövlət kimi tanımaq istəmirdi. Məncə, razılığa gələ bilərik. HƏMAS-dan iki dövləti tanımağa hazır olduqlarına dair müsbət siqnallar gəlir”, deyə Salah Abdel Şafi bildirib.
O əlavə edib ki, HƏMAS və Fələstinin həmişə fərqli siyasi mövqeləri olub. Onun sözlərinə görə, Fələstin bir bölgədə iki dövlətin birgə yaşamasının tərəfdarıdır.
Qeyd edək ki, hərəkat 1988-ci ildə yaranandan bəri onun məqsədi İsraili məhv etmək və ərazisində yaşayan yəhudilərə qarşı mübarizə aparmaq olub.
Dekabrın 14-də HƏMAS-ın siyasi büro rəhbərinin müavini Musa Əbu Mərzuk bildirib ki, hərəkat Fələstin fraksiyaları arasında fikir ayrılıqlarına son qoymaq üçün atılan addım kimi İsraili bir dövlət kimi tanıya bilər. O, HƏMAS-ın Fələstin Azadlıq Təşkilatının İsraili danışıqlarda tərəfdaş kimi tanımaq mövqeyinə sadiq qalacağını ehtimal edib.
Nizami Bağırov
