FETÖ terror qrupunun rəhbəri Fətulllah Gülənin ABŞ-da məktəb açmaq barədə istəyinə rədd cavabı verilib.
"Qaynarinfo" xarici mediaya istinadən xəbər verir ki, Tennesi əyalətində "Read" vəqfinin yeni üç məktəb açmaq tələbi Türkiyənin Vaşinqton səfirlyi və Hyuston konsulluğunun müdaxiləsi ilə rədd edilib.
Şelbi Təhsil Şöbəsinin 9 üzvü tərəfindən qəbul edilən qərarın səbəbi kimi FETÖ-yə aid "Harmony Public Schools"un kopyalanması, maddi və təşkilatla əlaqədar mübahisəli məsələlərin mövcudluğu göstərilib.
Qeyd edək ki, FETÖ ABŞ-da 140 müqavilə ilə işləyən məktəb sahibidir və bu ölkədə 1999-cu ildən bəri fəaliyyət göstərir.
Gülşən
Qaynarinfo.Az
