Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Fransa yeni nüvə sualtı qayığını istismara verdi - "Səssiz ovçu" adlandırılır
Fransa Hərbi Dəniz Qüvvələrinin donanmasına "Barracuda" sinfinə aid dördüncü nüvə hücum sualtı qayığı daxil edilib. "De Grasse" adlanan yeni gəmi ölkənin sualtı qüvvələrinin modernləşdirilməsi proqramının mühüm mərhələsi hesab olunur.
Qaynarinfo xəbər verir ki, bu barədə "Indian Defence Review" nəşri məlumat yayıb.
Məlumata görə, "De Grasse" iyunun 24-də "Naval Group" şirkəti tərəfindən rəsmi olaraq Fransa Hərbi Dəniz Qüvvələrinə təhvil verilib. Bu, sualtı qayığın ilk dəniz sınaqlarının başa çatmasından cəmi dörd ay sonra baş verib.
Yeni gəmi köhnəlmiş "Rubis" sinifli sualtı qayıqları əvəz etmək üçün inşa edilən altı "Barracuda" sinifli nüvə sualtı qayığından dördüncüsüdür. Bundan əvvəl "Suffren", "Duguay-Trouin" və "Tourville" istismara verilib. Daha iki sualtı qayığın tikintisi davam edir və proqramın onilliyin sonunadək tamamlanması planlaşdırılır.
"De Grasse" hansı imkanlara malikdir?
Fransanın Şerbur şəhərində inşa edilən "De Grasse" 99 metr uzunluğa və su altında təxminən 5 200 ton su tutumuna malikdir. Onun heyəti 65 nəfərdən ibarətdir. Bundan əlavə, sualtı qayıq xüsusi təyinatlı qüvvələrin bölmələrini də daşıya bilir.
Qayıq F21 ağır torpedaları, Exocet SM39 gəmiəleyhinə raketləri, quru hədəflərinə zərbə endirmək üçün qanadlı raketləri daşıya, həmçinin dəniz minaları yerləşdirə bilir.
Mütəxəssislərin fikrincə, "Barracuda" sinfinin əsas üstünlüklərindən biri onun son dərəcə aşağı akustik görünməzliyidir. Məhz buna görə bu sinif hazırda xidmət göstərən ən səssiz nüvə sualtı qayıqlarından biri hesab edilir.
İlin böyük hissəsini dənizdə keçirə bilir
"De Grasse" Fransa strateji nüvə sualtı qayıqları və "Şarl de Qoll" aviadaşıyıcısında istifadə olunan texnologiyalar əsasında hazırlanmış nüvə reaktoru ilə təchiz edilib.
"Naval Group"un məlumatına əsasən, sualtı qayıq ildə 270 gündən çox döyüş hazırlığı vəziyyətində dənizdə xidmət göstərə bilir. Bu isə Fransanın Atlantik okeanı və Aralıq dənizində patrul imkanlarını əhəmiyyətli dərəcədə artırır.
Ekspertlər hesab edirlər ki, "De Grasse"ın istismara verilməsi aparıcı dəniz dövlətləri arasında rəqabətin gücləndiyi bir dövrdə Fransanın hərbi-dəniz potensialını daha da artıracaq. "Barracuda" proqramı başa çatdıqdan sonra Fransa donanmasının tərkibində müxtəlif döyüş tapşırıqlarını yerinə yetirə bilən altı müasir nüvə hücum sualtı qayığı olacaq.
Günay
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər