Prezident seçkilərindən bir il sonra fransızların üçdə ikisindən çoxu Emmanuel Makronun 2022-ci ildə yenidən seçilməsinin səhv olduğuna inanır.
Qaynarinfo xəbər verir ki, bu barədə "Yevropeyska pravda” Elabe tərəfindən BFMTV-nin sifarişi ilə keçirdiyi sorğuya istinadən
yazır.
Rəyi soruşulan fransızların 69%-i 2022-ci il prezident seçkilərində Makrona səs verməyi ölkə üçün pis seçim hesab edir.
Eyni zamanda, 30% ölkənin Makronun yenidən prezident seçilməsindən qazanc əldə etdiyinə inanır.
Sorğu həmçinin 2022-ci ildə Makronu dəstəkləyən seçicilərin bəzilərinin məyus olduğunu göstərir - ikinci turda ona səs verənlərin təxminən 40%-i indi onun siyasətindən məyusdur.
Ayrı-ayrı sahələrində fransızların dörddə üçü (79%) prezidentin səhiyyə məsələlərində, 77 faizi təhsildə, eyni sayda isə dövlət maliyyəsi və miqrasiya siyasətinin idarə edilməsində, 75% - bərabərsizliklə mübarizədə, 73% - ətraf mühitin mühafizəsi məsələlərində fəaliyyətini qeyri-qənaətbəxş hesab edir.
Xarici siyasətə gəlincə, fransızların 60%-i prezidentin Fransanı dünyada tutduğu mövqedən və beynəlxalq böhranlara reaksiyasından narazıdır.
Nizami Bağırov
