Görmə zəifləməsi, infeksiyalar və travmalar xüsusilə yaş artdıqca geniş yayılmış problemlərdəndir. Göz xəstəliklərinin müalicə üsulları mövcud olsa da, ən yaxşı yanaşma onların qarşısını almaqdır.

Qaynarinfo xəbər verir ki, bu barədə "HuffPost” yazır.

Oftalmoloqlar göz sağlamlığı üçün uzaq durulmalı 9 təhlükəli vərdişi açıqlayıblar.

1. Kontakt linzalarla yatmaq olmaz

Ohio Dövlət Universitetinin Veksner Tibb Mərkəzinin oftalmoloqu Villyam Maklaflin bildirib: "Mən FDA tərəfindən uzunmüddətli istifadə üçün təsdiqlənməyibsə, heç vaxt kontakt linzalarla yatmıram. Bu, ağrılı infeksiyalar və buynuz qişanın zədələnməsi riski yaradır".

Həkimlər qeyd edirlər ki, linzalarla yatmaq bakteriyaların çoxalmasına səbəb olur və bu, buynuz qişanın xorasına, hətta görmə itkisinə qədər gedə bilən ağır fəsadlara gətirib çıxara bilər.

2. Ekrana fasiləsiz baxmaq olmaz

Oftalmoloq Ella Faktoroviç bildirir ki, telefon, planşet və ya kitabı uzun müddət yaxın məsafədən oxumaq gənclərdə miopiya riskini artırır və göz yorğunluğu yaradır.

Mütəxəssislər "20-20-20” qaydasını tövsiyə edir: hər 20 dəqiqədən bir 20 saniyəlik fasilə verib təxminən 6 metr uzağa baxmaq.

3. Göz müayinələrini laqeyd yanaşmaq

Maklaflinin sözlərinə görə, göz müayinəsi ən azı ildə bir dəfə aparılmalıdır.

Barbara Mixalik (Veksner Mərkəzi) qeyd edir: "Şəkərli diabeti olan insanlarda retinopatiya riski yüksəkdir. Bu xəstəlik çox vaxt simptomsuz inkişaf edir və ciddi görmə itkisinə səbəb ola bilər".

4. Görmədə qəfil dəyişiklikləri görməzlikdən gəlmək olmaz

Mixalik xəbərdarlıq edir ki, qəfil "milçəkciklər”, işıq çaxmaları və ya "pərdə” hissi retina qopmasının əlaməti ola bilər.

"Vaxtında müdaxilə olarsa, görməni qorumaq mümkündür", deyə o bildirib.

5. Makiyajı silmədən yatmaq olmaz

Nyu-Yorkdakı Maunt-Sinay Xəstəxanasının oftalmoloqu Avniş Deobqakta bildirir ki, makiyaj göz səthini qıcıqlandırır və quruluğu artırır:

"Buynuz qişa daimi nəmlənməyə ehtiyac duyur. Yatmazdan əvvəl makiyaj mütləq təmizlənməlidir".

O, həmçinin konservantsız süni göz yaşı damcılarının gündə 3–4 dəfə istifadə oluna biləcəyini qeyd edib.

6. Günəşə birbaşa baxmaq olmaz

Faktoroviç xəbərdarlıq edir ki, günəşə birbaşa baxmaq, hətta qısa müddət olsa belə, retina üçün geri dönməz zərər yarada bilər. Günəş tutulması zamanı xüsusi qoruyucu eynəklərdən istifadə edilməlidir.

7. Siqaret və elektron siqaret istifadə etməyin

Deobqakta bildirir ki, siqaret çəkmək və vape istifadəsi göz sağlamlığı üçün ən zərərli vərdişlərdəndir:

"Bu vərdişlər retina zədələnməsi, katarakta və xroniki quru göz sindromu riskini artırır"

8. Kontakt linzaları kran suyu ilə yumaq olmaz

Mixalik xəbərdarlıq edir ki, kran suyu ilə linzaların yuyulması ciddi infeksiyalara, hətta daimi görmə itkisinə səbəb ola bilər.

"Linzalar yalnız xüsusi məhlulla təmizlənməlidir", deyə o bildirib.

9. Balanssız qidalanma gözlərə zərər verir

Deobqakta qeyd edir ki, yüksək şəkər və yağ tərkibli qidalanma diabet və yüksək təzyiq riskini artırır, bu da görmə itkisinə gətirib çıxara bilər.

"Mərkəzi Aralıq dənizi pəhrizi göz sağlamlığı üçün ən faydalı qidalanma modellərindən biridir", deyə o bildirib.

Aydın