Gürcüstanda keçirilən seçkilər yerli vaxtla saat 20:00-da başa çatıb.
Gürcüstanın "TV formula” təşkilatı yerli seçkilərdə apardığı "exit-poll”un nəticələrini açıqlayıb.
Saat 18:00-a olan nəticələrə görə "Gürcü Arzusu” Partiyası 46% səs toplayıb. "Vahid Milli Hərəkat” Partiyası (VMHP) 33%, keçmiş baş nazir Georgi Qaxariyanın "Gürcüstan naminə” partiyası 6% səs əldə edib.
Tbilisi şəhərinin merinin seçimlərində də "Gürcü Arzusu”nun namizədi qalib olub. Belə ki, Kaxa Kaladze 43% səs toplayıb.
Onun rəqibi "Vahid Milli Hərəkat” Partiyasının namizədi Nika Meliya 39% səs toplayıb. Üçüncü yerdə isə 7% faiz səs toplamağa nail olan "Gürcüstan naminə” Partiyasının namizədi Georgi Qaxariya qərarlaşıb. /Oxu.az
