Şəbəkə təhlükəsizliyi üzrə beynəlxalq mütəxəssislər qrupunun gəldiyi nəticəyə əsasən, hazırda haker hücumlarının əksəriyyəti Çin deyil, Hindistandan həyata keçirilir.
Qeyd edilib ki, kibercinayətkarlar məhz Hindistan ərazisindən müxtəlif saytlara "DDoS" hücumlar həyata keçirir, zərərli proqram təminatı, spamı yayır və s.
"ICTnews.az" elektron xəbər xidməti bildirir ki, eyni zamanda bu o demək deyil ki, Hindistan "hakerlərin paytaxtıdır". Bir qayda olaraq, kibercinayətkarlar viruslar vasitəsilə internet istifadəçilərinin kompüterlərini bot şəbəkəyə birləşdirir və onları idarə edirlər. Hazırda belə kompüterlər Hindistanda çoxluq təşkil edir..
Qaynar.info
