DÇ-2014-ün seçmə mərhələsində Yeni Zellandiya – Yeni Kaledoniya matçında xoşagəlməz hadisə baş verib.
Qol.Az-ın yaydığı xəbərə görə, meydan sahiblərinin oyunçusu Şane Smeltzə qarşı edilən kobudluq nəticəsində onun alnı partlayıb. Ancaq bununla belə, görüşün baş hakimi futbolçunu şəkildə gördüyünüz hala salan futbolçuya nəinki qırmızı, heç sarı vərəqə belə göstərməyib.
Smeltz hakimin qərarına münasibət bildirərkən maraqlı açıqlama verib: “Hakimin bu qərarını başa düşmədim. Cəmi bir həftə bundan qabaq ilin ən yaxşı hakimini seçərkən səsimi ona vermişdim”.
Qaynar.info
