Avropa İttifaqı sərhədini tərk edərək Bolqarıstandan Serbiyaya getmiş hamilə və sağlam inək barədə ölüm hökmü verilib.
Qaynarinfo BBC-yə istinadən xəbər verir ki, Penka adlı inək geri gətirilərək sahibi İvan Haralampiyevə verilib, lakin Aİ-nin idxal barədə qanunlarına əsaslanaraq inək barədə ölüm qərarı qəbul edilib. Qanuna görə, iribuynuzlu heyvanlar Aİ-yə baytarlıqdan alınmış sağlamlıq sertifikatı ilə daxil olmalıdır.
Penka hamilədir və doğuşa təxminən 3 ay vaxt qalıb.
İnəyin xilas edilməsi üçün artıq imza kampaniyasına start verilib.
Bolqarıstan Baytarlıq İdarəsi məsələ barədə hökm verə bilmədiklərini, Brüssel qanunlarına tabe olduqlarını vurğulayıb.
Gülşən
