Ukraynada hazırlıqsız səfərbər edilmiş şəxslərin ilk ölüm xəbərləri Rusiyada hərbi komandanlığın yenidən tənqidinə səbəb olub.
Bu barədə Qaynarinfo Müharibə Tədqiqatı İnstitutuna (ISW) istinadən xəbər
verir.
Rusiya hakimiyyəti Çelyabinskdən səfərbər edilmiş beş nəfərin öldüyünü etiraf edib. Hərbi bloqçular bildiriblər ki, səfərbər olunanlar arasında ölən və yaralananların sayı vəd edilmiş hazırlıq, texnika, eləcə də dəfələrlə düzgün olmayan səfərbərlik halları səbəbindən daha çoxdur.
Xüsusilə, onlar Cənub Hərbi Dairəsinin 58-ci Əlahiddə Ümumqoşun Ordusunun komandiri Mixail Zuskonu Moskva vilayətindən səfərbər edilmiş 27-ci motoatıcı briqadanın 15-ci alayının heç bir döyüş öncəsi hazırlığı olmadan dərhal cəbhə bölgəsinə yerləşdirilməsinə göstəriş verməkdə ittiham ediblər.
Onlar Svatovoda dərhal atəşə altına düşüblər. Qohumlar alayın yarısını Belqorod vilayətindəki xəstəxanalardan birində tapa biliblər.
Təbliğat səfərbər olunanların sistemsiz göndərildiyini təkrarlayır. Onlar artıq Rusiyanın qışın sonuna qədər səfərbər edilmiş 10 min nəfərini itirəcəyini proqnozlaşdırırlar.
Hərbi bloqçuların yeni tənqidi Kremlin Ukrayna infrastrukturuna raket zərbələri endirməklə ictimaiyyətin diqqətini yayındırmaq cəhdindəki uğurunun nə qədər müvəqqəti olduğunu göstərir. Hakimiyyətdən yüksək rütbəli məmurları və komandirləri dəyişdirmək tələb olunur.
ISW analitiklərinin əsas nəticələri
• Rusiya qüvvələri Ukraynanın kritik infrastrukturuna zərbələr endirməkdə davam edib.
• Rusiya qoşunlarının Ukraynadakı döyüş bölgələrində mənəvi, nizam-intizam və döyüş effektivliyinin pisləşməsi məhdud ərazilərdə hücum əməliyyatlarının müvəqqəti dayandırılmasına səbəb ola bilər.
• Ukrayna qüvvələri Svatovodan şimal-qərbə doğru irəliləyib.
• Rusiya qüvvələri Ukraynanın Kremennayaya mümkün hücumları ərəfəsində müdafiə əməliyyatlarını davam etdirir.
• Rusiya qoşunları Xerson vilayətinin şimal və şimal-qərbindəki mövqeləri geri almağa çalışır.
• Kerç boğazı üzərindən körpünün zədələnməsi Rusiya yüklərinin və şəxsi heyətin Ukraynanın cənubuna çatdırılmasına mane olmaqda davam edir.
• Rus qoşunları Donetsk bölgəsində quruda hücumlarını davam etdirib və Baxmutun cənubuna çox az irəlilədiklərini iddia ediblər.
• Rusiya rəsmiləri əlavə səfərbər edilmiş əhalini saxlamaq və onların ölkədən qaçmasının qarşısını almaq üçün hərəkət azadlığını getdikcə məhdudlaşdıracaqlar.
• Rusiya işğalçı hakimiyyət orqanları işğal olunmuş Xerson vilayətindən dinc sakinlərin təxliyyə edilməsinə çağırıb.
Nizami Bağırov
