Ağ Evin keçmiş müşaviri Stiv Bannon milyarder İlon Maskı "qanunsuz miqrant" adlandırıb və ABŞ prezidenti Donald Trampla səs-küylü mübahisədən sonra onu ABŞ-dan deportasiya etməyə çağırıb.

Qaynarinfo xəbər verir ki, bu barədə "The Hill" yazıb.

"Hökumət onun immiqrasiya statusu ilə bağlı rəsmi araşdırmaya başlamalıdırlar, çünki onun qeyri-qanuni əcnəbi olduğuna qəti şəkildə inanıram və o, dərhal ölkədən deportasiya edilməlidir", deyə Bannon bildirib.

Mask Kanadaya mühacirət etməzdən əvvəl Cənubi Afrikada doğulub böyüyüb, sonra isə ABŞ-a köçüb və burada vətəndaşlıq alıb. Keçən il "Washington Post" qəzeti Maskın vətəndaş olmadan əvvəl ölkədə qeyri-qanuni işlədiyini bildirmişdi ki, bu da Bannonun onun vətəndaşlığının qeyri-qanuni olması ilə bağlı iddialarını izah edir.

"Başqalarını evə göndərəcəksənsə, o zaman cənubi afrikalılardan başlayaq", - deyə Bannon Tramp administrasiyasının miqrasiya ilə bağlı genişmiqyaslı repressiyalarına işarə edərək deyib.

Bannon Maskın narkotik istifadəsinin onun deportasiyası üçün potensial əsas ola biləcəyini söyləyib və əlavə edib narkotik işi araşdırılacaq. O, həmçinin Trampın Maska böyük dövlət müqavilələrindən məhrum edilməsi təklifini dəstəklədiyini və onun və digər rəsmilərin Trampa Maska həddən artıq dəstək verməməsi barədə xəbərdarlıq etdiklərini vurğulayıb.

"Prezident Tramp ona bu administrasiyada hamıdan daha çox səlahiyyət verdi, dəstəklədi, bu adamı irəli çəkdi. Hətta mənim kimi insanlar "Sən səhv edirsən. Bu pis adamdır, səndən üz döndərəcək. O, bizimlə deyil, həm də tamamilə səriştəsizdir", dedi. Sonra prezident Tramp çıxıb qanun layihəsi haqqında ən mərhəmətli şəkildə danışan kimi bu adam ayağa qalxdı və nifrət dolu tvitlər atmağa başladı", - Bannon bildirib.

Mask isə Bannonun bu fikrinə təhqirlərlə cavab verib: "Bannon tam bir axmaqdır".

Qeyd edək ki, Maskın Trampın təriflədiyi vergi qanun layihəsini tənqid etməsindən sonra onların münasibətləri çox dəyişib. Tramp jurnalistlərə Maskdan "məyus olduğunu" bildirib və daha sonra onun "dəli" olduğunu dediyi bir yazı dərc edib.

Mask ona cavab verib və kifayət qədər şəffaf şəkildə Trampın "Epşteyn faylları"nda (pedofiliyada və fahişəlik təşkil etməkdə ittiham olunan maliyyəçi) bir fiqur olduğuna işarə edib. O, həmçinin Trampın impiçmenti ideyasını dəstəkləyib və əlavə edib ki, onun şirkəti "SpaceX" dərhal öz "Drago" kosmik gəmisini istismardan çıxarmağa başlayacaq.

Bu arada, Polşa Xarici İşlər Nazirliyinin rəhbəri Radoslav Şikorski İlon Maskla Donald Tramp arasında baş verən ictimai davaya münasibət bildirib. Polşa diplomatı X sosial şəbəkəsində Ukraynanın "Starlink" peyk rabitə sistemlərinə çıxışının mümkün kəsilməsi ilə bağlı şayiələr fonunda Maskın onu necə alçaltmağa çalışdığını xatırladıb. Daha sonra milyarder mesaj yazıb: "Sus, balaca adam. Sən dəyərin (peyk rabitəsi xidmətlərinin-red.) cüzi bir hissəsini ödəyirsən".

Şikorski Maska bu sözləri xatırladıb və Trampla mübahisəsini ironiya ilə şərh edib: "Görürsən, böyük adam, siyasət sən düşündüyündən də mürəkkəbləşdi".

Aydın