21Cənubi Koreya ordusu ən azı beş KXDR pilotsuz təyyarəsinin ölkənin hava məkanını pozduğunu bildirib.
Qaynarinfo bu barədə TASS-a
istinadla xəbər verir.
"Şimali Koreya pilotsuz təyyarələri kiçik idi - iki metrdən çox deyildi, onlardan biri Seulun şimal bölgələrinə, dördüsə Qanqva adasının ərazisində uçdu. Hərbçilərimiz özünümüdafiə hüququ əsasında dərhal cavab verdi”, - Koreya Respublikasının Qərargah Rəisləri Komitəsi bildirib.
Seulun məlumatına görə, Pxenyan PUA-lara kəşfiyyat vaqsitələri yerləşdirib. Koreya Respublikasının hərbçiləri Şimali Koreya pilotsuz təyyarələrinin nüfuzunu təxribat adlandırıb.
Bu məqamda pilotsuz təyyarələrin silahla təchiz edilib-edilmədiyi bəlli deyil.
Yonhap-ın Koreya Respublikası Silahlı Qüvvələrinin Birləşmiş Qərargah Rəislərinə istinadən verdiyi məlumata görə, pilotsuz təyyarələrdən biri Seulun şimal rayonları üzərində uçuş həyata keçirib. Qalan PUA-lar Cənubi Koreyanın qərb sahillərində Qanqva adasının üzərindən keçib.
Cənubi Koreya komandanlığı bu obyektləri vurmaq üçün qırıcı və helikopterləri havaya qaldırıb. Eyni zamanda, bəzi məlumatlara görə, helikopterlər pilotsuz təyyarələrə 100-ə qədər mərmi atsa da, onları vura bilməyib. Cənubi Koreyaya məxsus KA-1 təyyarələrindən biri naməlum səbəbdən Seuldan 140 km şərqdə qəzaya uğrayıb, hər iki pilot katapult edib.
Şimali Koreyaya məxsus pilotsuz təyyarələr sonuncu dəfə 2017-ci ildə sərhədi pöozub.
Alpər
Şərhlər