İranın Buşəhr vilayətinin Dəşhi mahalında baş vermiş zəlzələdə ölənlərin sayı 39 nəfərə çatıb.
APA-nın “Fars” xəbər agentliyinə istinadən məlumatına görə, bu rəqəmi İranın Qırmızı Aypara Cəmiyyətinin sədri Mahmud Müzəffər açıqlayıb.
Onun sözlərinə görə, təbii fəlakət nəticəsində 700 ev dağılıb, 850 nəfər də yaralanıb: “Artıq xilasetmə əməliyyatları başa çatdırılıb. Çünki hazırda dağıntılar altında heç kim qalmayıb. Zərərçəkənlərə lazımi yardımlar göstərilir və yaralıların müalicəsi davam etdirilir”.
