Beynəlxalq sanksiyalar səbəbindən çətin vəziyyətə düşən İranda boşanma səviyyəsi artmağa başlayıb.
Qaynar.info-nun məlumatına görə, ölkə rəsmiləri son illər artan boşanma səbəbini isə türk serialları ilə əlaqələndirirlər. Qeyd olunur ki, ölkədə peyk antenlərinin varlığı da boşanmaların artmasına gətirib çıxarır.
İran hökuməti türk seriallarının boşanma haqqındakı ənənəvi qadağaları devirərək, ailələri qeyri-sabitliyə sövq etdiyini iddia edir.
Rəsmi statistikaya görə, yalnız paytaxt Tehranın özündə bu il boşanmaların sayında 6 faiz artım olub. İran boşanmaların sayına görə, dünyada dördüncü yeri tutur.
Qaynar.info
