Xaç Türkiyədə kilsədə aparılan qazıntı işləri zamanı tapılıb
Türkiyənin Sinop şəhərində kilsədə aparılan qazıntı işləri qeyri-adi tapıntını üzə çıxarıb. ANS PRESS-in məlumatına görə, Balatlar kilsəsində aparılan qazıntı işləri zamanı Həzrəti İsaya aid olduğu ehtimal edilən, içərisində müqəddəs əmanətlərin saxlandığı sandıq aşkarlanıb. Daş sandığın içərisində peyğəmbərə aid olduğu güman edilən xaç parçaları olub.
Daşın İsanın çarmıxa çəkildiyi xaçın bir parçası olduğu güman edilir. Qazıntı işləri 4 ilə yaxın davam edib. Bu zamana kimi minə yaxın skelet tapılıb.
