İsrail Həmasın liderlərindən birini həbs etdi

İsrail əsgərləri Qərbi Şəriədə Həmasın lider şəxslərindən olan Camal Ət Tavili həbs edib.

Qaynarinfo xarici KİV-ə istinadən xəbər verir ki, Tavilin evinə basqın edilərək axtarış aparılıb, sonra isə o həbs edilib.

Qeyd edək ki, Həmasın lider şəxsləri arasında yer alan Camal Ət Tavil daha əvvəl İsrail tərəfindən 10 il həbsə məhkum edilib. O, 1992-ci ildə Həmas Hərəkatından Cənubi Livana sürgün edilən 416 nəfər arasında yer alıb. Tavilin adı Qərbi Şəriədə mübarizə hərəkatında çəkilir.