İstanbulun Silivri rayonunun polis rəisi Hakan Çalışkanın iş masasında cəsədi tapılıb.
"Qaynarinfo" xarici mediaya istinadən xəbər verir ki, araşdırma nəticəsində 2 uşaq atası olan Çalışkanın intihar etdiyi məlum olub. Gecə radələrində iş yerinə gələn polis rəisi intihar edib, səhər isə iş yoldaşları tərəfindən cəsədi aşkarlanıb. Hakan Çalışkanın ailəsi və həyat yoldaşı ilə problemlər yaşadığı, bu səbəbdən intihar etdiyi deyilir.
Qeyd edək ki, Çalışkan ötən ilin dekabrında 4-cü dərəcəli polis rəisi vəzifəsindən 3-cü dərəcəyə yüksəlib. Buna onun FETÖ terror təşkilatı ilə bağlı aparılan araşdırmalardakı xidmətləri səbəb olub.
Hadisə ilə bağlı cinayət işi qaldırılıb və Çalışkanın cəsədi analizə göndərilib.
Gülşən
Qaynarinfo.Az
