Ukrayna Silahlı Qüvvələri cəbhənin 5 sektorunda uğurlu əks-hücum əməliyyatları həyata keçirib, həmçinin düşmənin arxa hissəsinə raket zərbələri endirib.
Qaynarinfo
xəbər verir ki, bu, Müharibə Tədqiqatı İnstitutunun (ISW) son
icmalında müzakirə olunub. Analitiklər qeyd ediblər ki, Ukrayna hərbçiləri cəbhənin 5 sektorunda əks-hücum əməliyyatları keçirib və uğur qazanıblar.
Bundan əlavə, İnstitutun məlumatına görə, Ukrayna Silahlı Qüvvələri iyulun 5-nə keçən gecə və gündüz bütün cəbhə boyu Rusiyanın arxa mövqelərinə bir sıra raket hücumları həyata keçirib.
"Ukraynanın zərbələri onu göstərir ki, Müdafiə Qüvvələri bütün hərbi əməliyyatların perimetri boyunca Rusiyanın logistikasını və quru xətlərini deqradasiyaya yönəlmiş koordinasiyalı silsilə zərbələr endirib”, - deyə analitiklər izah ediblər.
ISW qeyd edib ki, Ukrayna qüvvələri tükənməyə qarşı yönəlib ki, bu da ərazilərin daha ləng zəbt edilməsi bahasına Ukrayna canlı qüvvəsini qoruyub saxlayır, eyni zamanda Rusiya canlı qüvvəsini və texnikasını tədricən zəiflədir. Ekspertlər Müdafiə Qüvvələrinin bu cür hərəkətlərinin nəticələrinin dərhal hiss olunmayacağını vurğulayıblar.
Alpər
