Kanadada son 30 ilin ən ölümcül silahlı hücumu baş verib.
Qaynarinfo xarici mətbuata istinadən xəbər verir ki, ölkənin Yeni Şotlandiya əyalətində Qabriel Vortman adlı silahlı şəxs əhaliyə hücum edib və şənbə günü başlayan olay bazar gününə qədər davam edib. Hadisə nəticəsində 16 nəfər həyatını itirib. Rəsmilər ölü sayının artma ehtimalı olduğunu açıqlayıblar.
Saxlanılan şəxsin diş protezi klinikası, evləri və müxtəlif şəhərlərdə əmlakı olduğu üzə çıxıb. Onun nə üçün belə etdiyi ilə bağlı isə hələlik heç bir məlumat açıqlanmayıb.
Hadisənin terror hadisəsi olmadığı bildirilib.
Xatırladaq
ki, faciə Portapike şəhərində baş verib. Yerli polis hesab edir ki, onun polis
forması geyinib, polis maşınına bənzəyən bir avtomobillə hərəkət etməsi təsadüfi
deyil. Bununla belə, qurbanların seçimi ixtiyari olub. Öldürülənlərin bəziləri
qatillə tanış olmayıb. Qatil sonunda öldürülüb.
Ölənlər
arasında bir polis məmuru - iki uşaq anası olan zabit Haydi Stevenson da var.
Digər bir polis isə yüngül xəsarət alıb.
Kanadada
sonuncu dəfə oxşar sayda qurbanı olan qırğın otuz il bundan əvvəl baş verib:
1989-cu ildə özünü "feminizmə qarşı mübariz" elan edən 25 yaşlı Mark
Lepin Monreal Universitetində 14 qadını güllələyib.
Kanadanın baş naziri Castin Trudo ölənlərin yaxınlarına başsağlığı verib.
