"Şimali Koreya ABŞ-ı Pxenyanla qarşıdurmadan əl çəkməyə çağırır".
Qaynarinfo "Yonhap"a istinadən xəbər verir ki, bunu Şimali Koreya İşçi Partiyası Mərkəzi Komitəsinin sədr müavini, Şimali Koreya lideri Kim Çen Inın bacısı Kim Yo Conq
deyib.
Onun sözlərinə görə, nə qədər ki, Vaşinqton belə siyasətə sadiq qalacaq, ölkəsi "ən güclü” nüvə silahı qarşısının alınması sisteminin yaradılması ilə məşğul olacaq:
"Bizə toxunmağa çalışmaq ABŞ üçün çox baha başa gələcək. Mən gizlətməyəcəyəm ki, Birləşmiş Ştatlar çox xoşagəlməz hadisələrlə üz-üzədir”.
O, həmçinin əlavə edib ki, ABŞ-ın Koreya yarımadasındakı strateji aktivlərini artırmaq səylərinə cavab olaraq, Şimali Koreya daha da "təmkinsiz və genişmiqyaslı” hərəkət edəcək. Kim Yo Conq vurğulayıb ki, heç kimin Şimali Koreyanın raket sınaqlarına etiraz etmək üçün əsası yoxdur.
Şimali Koreyanın sonuncu raket buraxılışı iyulun 12-də baş tutub. Sınaqlar ABŞ, Yaponiya, Cənubi Koreya və bir sıra digər ştatlarda tənqid edilib. BMT-nin məlumatına görə, raket Rusiyanın iqtisadi zonasında dənizə düşüb. Eyni zamanda, Rusiya Xarici İşlər Nazirliyi belə məlumatların təsdiqinin olmamasına diqqət çəkib.
Aydın
