Uzun müddətdir Şimali Koreya lideri Kim Jçen Inın səhhəti ilə bağlı bir çox söz-söhbət dolaşır. Bu müddət ərzində bütün medianın diqqətini ailə üzvləri, xüsusən həyat yoldaşı Lee Sol Çju çəkib. "New York Post” qəzetinin jurnalistləri, ərinin iddia olunan sağlamlıq problemlərinin onun taleyinə necə təsir edə biləcəyini araşdırmağa çalışıblar.
Qaynarinfo xəbər verir ki, qəzetin yazdığına görə, Li Sol Çjunun ərinin əmək qabiliyyətini itirməsi və ya ölməsi halında nə olacağı bəlli deyil. Bəzi KİV-lərin verdiyi məlumata görə, cütlüyün xanədanlığı davam etdirmək üçün Kim Çenin xələfi ola biləcək ən azı bir kişi varisi var. Bununla birlikdə, qəzet qeyd edir ki, uşaqların gənc yaşı Şimali Koreya liderinin bacısı Kim Yo Çjonun bu yaxınlarda ölkədə "faktiki olaraq ikinci nömrəli lider" seçilməsinə səbəb ola bilər, baxmayaraq ki, bu xəbərlər də mübahisəlidir.
KXDR-in birinci xanımı haqqında təfərrüatlar azdır. Linin Çində vokal musiqi təhsili almağa getməzdən əvvəl Pxenyanda böyüdüyünə inanılır. Mütəxəssislərin fikrincə, onun adı belə demək olar ki, təxəllüsdür, - "Daily Beast” yazır. Doğulduğu il 1985 ilə 1989 arasında ehtimal edilir. Ailəsinin siyasi elitaya mənsub olduğu deyilir: anası yerli bir xəstəxanada ginekologiya şöbəsinin müdiri, atası isə universitet müəllimidir. Bununla birlikdə, Şimali Koreya Liderlik İzləmə bloqu Lee Sol Çjunun atasının hərbçi olduğunu ortaya qoyub.
Bildirilir ki, cütlük 2009-cu ildə evlənib, baxmayaraq ki, toyları 2012-ci ilə qədər Şimali Koreya dövlət mediası tərəfindən təsdiqlənməyib. Cütün evləndikdən təxminən bir il sonra valideyn olduqları və bir oğlan uşağını dünyaya gətirdikləri deyilir. 2013-cü ildə Kim Çen In ilə dostluq əlaqəsi olan NBA ulduzu Dennis Rodman "The Sun”a Linin bu yaxınlarda bir qız dünyaya gətirdiyini deyib. Eyni il, o, "The Guardian”a bildirib ki, o uşağa Cu E. adının verildiyini deyib. Cənubi Koreya kəşfiyyat səlahiyyətliləri Linin 2017-ci ilin fevralında üçüncü övladını dünyaya gətirdiyini, lakin cinsinin bilinmədiyini qeyd edib.
Şimali Koreya liderlərinin bütün arvadları kimi, Li Sol Çju da kifayət qədər qapalı bir həyat tərzi sürür. Ancaq sələflərindən fərqli olaraq Kim çenin arvadı daha çox qərb xalqının birinci xanımı roluna bənzər bir mövqe tutub: ərini tez-tez müxtəlif tədbirlərdə müşayiət edib. Mütəxəssislər CNN-ə bildiriblər ki, hətta Şimali Koreya dövlət mediası Li Sol Çjoya əvvəllər istifadə olunan "yoldaş" əvəzinə "hörmətli birinci ledi" adını verib.
1 iyulda KXDR liderinin arvadının adı qalmaqalların mərkəzində olub. O zaman Kim Çenin Cənubi Koreya təbliğat broşuralarında Li Sol Çjonun təhrikedici görüntülərindən qəzəbləndiyi bildirilir. Fotoşəkillərdə KXDR liderinin həyat yoldaşı ədəbsiz bir şəkildə təqdim edilib. Xüsusilə təşviqat materiallarında onun bir pornoqrafik filmdə rol aldığı iddia edilib. Vurğulanır ki, məhz bu şəkillər KXDR səlahiyyətlilərinin 16 iyun tarixində Kesondakı Koreyalararası əlaqə bürosuyla münasibətlərinin pozulmasına səbəb olub.
Alpər
