Estoniyanın baş naziri Kaya Kallasın əri ilə əlaqəli olan Estoniyanın "Stark Logistics" şirkəti Rusiya və Belarus təhlükəsizlik qüvvələrinin etirazları dağıtmaqda istifadə etdiyi gözyaşardıcı qaz balonları üçün aerozolların tədarükü ilə məşğul olub.
Qaynarinfo xəbər verir ki, bu barədə Estoniyanın "Eesti Päevaleht” nəşrinin araşdırmasında deyilir.
Jurnalistlər "Stark Logistics”in Rusiya Federasiyasındakı törəmə şirkəti olan "Metaprint”in maliyyə hesabatlarını araşdırıb və onun Rusiyanın "Tyumen Aerosols” şirkəti ilə müqavilə bağladığını aşkar ediblər. O, gözyaşardıcı qaz balonlarının istehsalı üçün lazım olan komponentlərlə təchiz edilib, sonra Rusiya və Belarus təhlükəsizlik qüvvələrinə satılıb.
"Metaprint"in "Tyumen Aerosols"a tədarük etdiyi komponentlərin daşınması "Stark Logistics" tərəfindən həyata keçirilib", deyə "Eesti Päevaleht" qeyd edir.
Tümen nəşri "Boqatıy region" yazır ki, Tümen zavodunun Belarusdakı 2018-ci il üçün reklam şüarlarından biri belə olub: "Rusiya və Belarusun hüquq-mühafizə orqanları bizim gözyaşardıcı qazımızı yüksək qiymətləndirdilər!"
Hesabatlardan məlum olub ki, 2022-ci ilin fevral ayının sonundan 2023-cü ilin avqust ayının sonuna qədər "Metaprint" Rusiyaya təxminən 30 milyon avro dəyərində mal köçürüb, eyni zamanda "Stark Logistics"ə daşınma üçün təxminən 1,5 milyon avro ödəyib.
Nizami Bağırov
