Afrika Millətlər Kubokuna ev sahibliyi edən, lakin qruplarda zəif nəticələrə görə üçüncü yerdə qərarlaşan Fil Dişi Sahili millisinin baş məşqçi Jan-Lui Qasset vəzifəsindən göndərilib.
Qaynarinfo-nun məlumatına görə, bu barədə Fil Dişi Sahili Futbol Federasiyası açıqlama yayıb. Qeyd olunub ki, Qasset və köməkçisi Gislan Printant müqavilələrinə Afrika Kubokunun qrup matçlarında qeyri-qənaətbəxş nəticələrə görə xitam verilib.
Millini müvəqqəti olaraq Emerse Fae çalışdırmağa davam edəcək.
Ekvatorial Qvineya və Nigeriyanın 1/8 final mərhələsinə yüksəldiyi A qrupunda üçüncü yeri tutan Fil Dişi Sahili millisinin ən yaxşı qrup üçüncüləri olan komandaların sırasına qoşulmağa və turniri davam etdirməyə imkanı var.
Daha əvvəl Fransa millisini və PSJ-ni çalışdırmış 70 yaşlı Qasset 2022-ci ildə Patris Beaumelleni əvəzləyərək millinin "sükan"ı arxasına keçmişdi.
Səbuhi Həsənov
