Monakonun kral ailəsində xoşbəxt hadisə baş verib
Həyat tərzi Monakonun kral ailəsində xoşbəxt hadisə baş verib. Ans Press-in Rusiya mətbuatına istinadən verdiyi xəbərə görə, Şahzadə Karolinanın böyük qızı və Monako kralının qardaşı qızı Şarlotta Kaziraqinin “Princess Garace"s Hospital” xəstəxanasında ilk oğlan övladı dünyaya gəlib. Bu, artıq şahzadə Karolinanın 2-ci nəvəsi hesab edilir.
Qeyd edək ki, 27 yaşlı Şarlotta Kaziraqinin həyat yoldaşı Fransa kinosunun ulduzu, 42 yaşlı Qad Elmalexdir. Elmalex milliyətcə yəhudidir və Mərakeşdə dünyaya gəlib.
Onun əvvəlki həyat yoldaşı aktrisa Anna Broşedən 12 yaşlı oğlu da var.
Xatırladaq ki, Şarlotta Kaziraqi bir vaxtlar ingilis dilli mətbuatda, sonra isə məşhur “Independent” qəzetində jurnalist işləyib. Şarlotta, həmçinin “EVER Manifesto” nəşrinin də sahibidir.
Qaynar.info
