Rusiya Xarici İşlər Nazirliyi ABŞ dövlət katibinin siyasi məsələlər üzrə müavini Viktoriya Nulandın Moskvaya gözlənilən səfərini təsdiqləyib.
Qaynarinfo Teleqraf.com-a istinadla xəbər verir ki, bunu Rusiya XİN-in rəsmi nümayəndəsi Mariya Zaxarova bildirib.
Onun sözlərinə görə, amerikalı diplomat Vaşinqtonun istəyinə uyğun olaraq 11-13 oktyabr tarixlərində Rusiya Xarici İşlər Nazirliyində danışıqlar aparacaq və bu qurumun rəsmiləri ilə görüşəcək.
Viktoriya Nuland 2019 -cu ildən etibarən Moskvanın "qara siyahı”sında idi. Ona Rusiya ərazisinə giriş qadağan edilmişdi.
