Rusiya Xarici İşlər naziri Sergey Lavrov Vladimir Putin və Volodimir Zelenskinin görüşünə heç bir əngəlin olmadığını deyib.
Qaynarinfo xəbər verir ki, bu barədə o, Türkiyə Xarici İşlər naziri Mövlud Çavuşoğlu ilə danışıqlardan sonra mətbuata açıqlamasında bildirib.
Onun sözlərinə görə, hər iki liderin görüşü üçün mühüm addımlar atılıb:
"Bu gün konkret olaraq Rusiya Prezidenti və Vladimir Zelenskinin Türkiyədə görüşü məsələsini müzakirə etmədik. Bu görüşün təşkilinə heç bir əngəl yoxdur. Əsas odur ki bu, görüş naminə görüş olmasın”.
